Die Blondes is ‘n unieke klavierduo wat sedert 2006 ewe gemaklik treffers van die groot klassieke meesters as dié van popmusiek-legendes verwerk tot tweeklavier-keurspele. Hul nuwe produksie debuteer op vanjaar se Woordfees en die inhoud draai dié keer om die letter R. In die Rachmaninof-keurspel hoor ons fragmente van die mooiste melodieë uit sy geliefde Vocalise en 2de Klavierkonsert, die Paganini-variasies en van die meer bekende Preludes. Die Ravel-keurspel bevat temas uit Bolero, Habanera en die orkeswerk La Valse. En dan gaan ons “Rock in my taal” met juwele uit die Afrikaanse ligtemusiekskat van o.a. Amanda Strydom, Laurika Rauch, Coenie de Villiers, Johannes Kerkorrel en Koos du Plessis.