Die Endlersaal Konsertreeks se jaarlikse fondsinsamelingskonsert Klassieke Collage vind plaas op Vrydag 7 April om 20h00 in die Endlersaal. Vanjaar sal die sangdosente van die Muiekdepartement die gasvroue wees, met die tema Drie Dames bied aan…

Ons nooi u om deel te hê aan ‘n aand van opera-gunstelinge en musicals, saam met Minette du Toit-Pearce, Lauren Dasappa en Jolene McCleland, met as begeleier Elna van der Merwe aan die klavier.

Kaartjies is nou beskikbaar by Computicket en by die deur teen R140 (gewoon) en R100 (studente en pensioenarisse) by die deur. Kaartjieverkope word aangewend vir die onderhoud van die Endler Konsertreeks.