Babette Roosenschoon (tjello) en Esthea Kruger (klavier) bring musiek deur vroulike komponiste vir die tjello en klavier na die verhoog. Hierdie liriese werke, wat meestal romantiese komposisies bevat, is deur vroulike tydgenote van onder andere Brahms en Mendelssohn geskryf, maar is veel minder uitgevoer as gevolg van geslagsongelykheid, en word vandag steeds selde op die konsertverhoog gehoor. Die kunstenaars nooi jou om hierdie uitgesoekte program vol ryk melodieë en vreugdevolle energie saam met hulle te kom geniet.