Die Kaapstadse Filharmoniese Orkes keer terug na die Endlersaal vir sy jaarlikse huldeblykkonsert ter ere van die wyle filantroop, Mev Huberte Rupert. Die uitsluitlike Beethoven-program, getiteld Beethoven se Vyfde, vind op Vrydag, 29 November, om 19:00 plaas.

Bernhard Gueller, die CPO se hoof-gasdirigent, sal die orkes lei in die Fidelio-ouverture en die Simfonie nr. 5 in D mineur. Die CPO en Gueller sal ook die briljante jong pianis Qden Blaauw in die majestueuse Emperor Concerto, Concerto No. 5 begelei.

Blaauw, wat tans aan die Royal Academy of Music in Londen studeer, het pas sy tweede jaar onder leiding van die bekroonde Russiese pianis en leermeester, Rustem Hayroudinoff voltooi. Hy is een van slegs twee internasionale voorgraadse studente wat ‘n volle onderrigbeurs van die akademie ontvang het. Blaauw, wat deur middel van talle toekennings ‘n indrukwekkende reputasie in Suid-Afrika opgebou het, het onlangs weer begin komponeer. Die Berlynse kunstenaar Robin Rhode het hom opdrag gegee om ‘n reeks snitte vir  animasies te skep in sy nuwe uitstalling, Joburg Hymn, wat Johannesburg vier en ook gebiede van stedelike verval uitlig. Soortgelyke samewerkingsprojekte word in 2025 vir Berlyn en New York beplan.