Na ‘n optrede as deel van Constellations by Spier in 2022, het die regisseur Brett Bailey van Third World Bunfight Ncebakazi Mnukwana genooi om saam met ‘n ensemble by die Spier Harvest Festival 2023 op te tree. Mnukwana het die uitsonderlike musikant en verwerker, Lungiswa Plaatjies van Langa, Kaapstad, genader om die ensemble iiNceba zoMdali te stig. Kim Masala, ‘n marimba- en perkussiespeler, en Bongani Nikelo, ‘n Afro-Jazz elektriese baskitaarspeler, het by die ensemble aangesluit, met Mnukwana wat die tradisionele en inheemse musiekrepertorium saamstel. Kom geniet eklektiese Afrika-musiek wat spreek tot ons Pan-Afrikaanse tradisies, wat inheemse musiekinstrumente soos uhadi, umrhubhe, dodo harp, nyungwe nyungwe, marimba en kayomba insluit.

Met Ncebakazi Mnukwana (sang, uhadi, umrhubhe, handperkussie), Lungiswa Plaatjies (sang, uhadi, dodo harp, handperkussie), Mkhokheli Kim Masala (marimba, cajón, sang), Bongani Nikelo (baskitaar, sang).