Die bekroonde Nederlandse konserorrellis, Minne Veldman, keer terug na Suid-Afrika vir sy sewende toer, met optredes in Pretoria, Potchefstroom, Kaapstad en Robertson. Op Vrydag 21 Februarie 2025 sal hy ‘n meesterlike uitvoering lewer op die pragtige Marcussen-orrel in die Endlersaal, Stellenbosch. Sy boeiende program sluit in: Bach se Passacaglia en Trio Sonata, Mendelssohn se eie verwerking van die Saltarello uit die Italiaanse Simfonie, Franck se Choral Nr. 2, Widor se Allegro vivace uit Simfonie Nr. 5, en sy eie vyfdelige komposisie oor Nun danket alle Gott (Now Thank We All Our God).