onder leiding van André van der Merwe

Die  US Koor is een van Suid-Afrika se mees prysbekroonde kulturele skatte. Die wêreld se gehore word bekoor deur die energie, talent en musikaliteit van hierdie studentekoor. Hierdie program bring kultuurskatte van reg oor die wêreld na die Endlerverhoog. Gehore kan hulle regmaak vir ’n program propvol nuwe koorkomposisies en -verwerkings, met nuwe a cappella-weergawes van onder meer “The Crossing” (Johnny Clegg) en “Blou” (André Swiegers), asook verwerkings van “Kasar mie la gaji” (Die aarde is moeg) van Alberto Grau en “Balleilakka” – ’n nuwe weergawe van die gewilde lied uit die Indiese lokettreffer The Boss.