Die internasionaal gevierde klavierduo, Nina Schumann en Luis Magalhães, keer terug na die Woordfees 2018. Hulle is klavierdosente by die Musiekdepartement van die Universiteit van Stellenbosch en het bekendheid verwerf onder 2Pianists Records, hul plate-etiket. Hulle het altyd gehore in vervoering met hul skitterende virtuositeit en deurleefde musisering. Die program sluit werke in van Mozart, Debussy, Mendelssohn en Liszt.