Liefhebbers van klaviermusiek word uitgenooi om ‘n aand van uitmuntende en diverse klavierspel in die Endler te geniet. Gerhard Joubert (klassiek) en Brathew van Schalkwyk (jazz), twee van Suid-Afrika se top jong pianiste, albei wenners van hul onderskeie kategorieë by die 2023 UNISA Nasionale Klavierkompetisie, sal die gehoor bekoor met hul begeesterde interpretasies van klassieke en jazz-klavierwerke, insluitend verskeie Suid-Afrikaanse komposisies.